Ֆինլանդիան կտրուկ ավելացնում է ռազմական ծախսերը․ ՆԱՏՕ-ի սահմանված շեմը զգալիորեն կգերազանցվի

Ռուսաստանի հետ սահմանակից ՆԱՏՕ-ի անդամ Ֆինլանդիան հայտարարել է, որ 2026 թվականին երկրի պաշտպանական և անվտանգության ծախսերը կհասնեն ազգային ՀՆԱ-ի շուրջ 2,4 տոկոսի։ Այս մասին հաղորդվում է Ֆինլանդիայի կառավարության պաշտոնական հայտարարության մեջ։ Նշվում է, որ ցուցանիշը զգալիորեն գերազանցելու է դաշինքի անդամ երկրների համար սահմանված նպատակային շեմը։

Ֆինլանդիայի պաշտպանության նախարար Անտտի Հյակյանենի խոսքով՝ լրացուցիչ միջոցները կուղղվեն երկրի ռազմարդյունաբերական համակարգի ամրապնդմանն ու արդիականացմանը։ Ծախսերի փաթեթում ներառված են նաև օպերատիվ գործողությունների իրականացումը, պաշտպանական ոլորտում նորարարությունների խթանումը և Ուկրաինային տրամադրվող աջակցությունը։

Ավելի վաղ ՆԱՏՕ-ի գլխավոր քարտուղար Մարկ Ռյուտեն կոչ էր արել դաշինքի անդամներին մեծացնել ներդրումները պաշտպանական արդյունաբերության ոլորտում՝ եվրոպական տարածաշրջանում աճող անվտանգային սպառնալիքների ֆոնին։ Ֆինլանդիան, որը վերջերս է միացել ՆԱՏՕ-ին, վերջին ամիսներին ակտիվորեն ուժեղացնում է իր ռազմական կարողություններն ու պաշտպանական քաղաքականությունը։