Պուտինի և Սի Ցզինպինի հանդիպմանը ուշադրության կենտրոնում են հայտնվել ՄՖՏԻ ռեկտորի սպորտային կոշիկները

Ռուսաստանի ֆիզիկատեխնիկական ինստիտուտի (ՄՖՏԻ) ռեկտոր Դմիտրի Լիվանովի սպորտային կոշիկները մեծ ուշադրություն են գրավել Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի պաշտոնական հանդիպման ընթացքում։ Այս մասին գրել է «Коммерсантъ»-ի հատուկ թղթակից Անդրեյ Կոլեսնիկովը։

Լրագրողի խոսքով՝ Լիվանովը բանակցություններին ներկայացել է դասական կոստյումով, սակայն այն համադրել է աչքի ընկնող կապույտ Adidas սպորտային կոշիկների հետ։ Հենց այդ պատճառով նրան սկզբում խնդրել են չմասնակցել առաջնորդների պաշտոնական դիմավորման արարողությանը հրապարակում։ Ավելի ուշ հարցը կարգավորվել է, և ռեկտորը միացել է արարողությանը, սակայն արդեն միայնակ իջնելով աստիճաններով՝ ավելի մեծ ուշադրություն գրավելով ներկաների շրջանում։

Ռուսական լրատվամիջոցները նշում են, որ Լիվանովի արտասովոր ոճը դարձել է հանդիպման ամենաքննարկվող դրվագներից մեկը։ Ավելի վաղ համացանցում լայն տարածում էր ստացել նաև մի տեսանյութ, որտեղ Վլադիմիր Պուտինը Պեկինում մեքենա նստելուց առաջ հանում էր բաճկոնը։ Այդ կադրերը միլիոնավոր դիտումներ էին հավաքել չինական սոցիալական ցանցերում։