Եվգենի Պլյուշչենկոյի որդին կսկսի հանդես գալ Ադրբեջանի հավաքականի կազմում
Սպորտ
Գեղասահքի օլիմպիական կրկնակի չեմպիոն Եվգենի Պլյուշչենկոյի որդին՝ Ալեքսանդր Պլյուշչենկոն, այսուհետ կներկայացնի Ադրբեջանի հավաքականը։ Այս մասին հայտնում է РИА Новости-ն։
Ռուսաստանի գեղասահքի ֆեդերացիան 13-ամյա մարզիկին արդեն տվել է անհրաժեշտ թույլտվությունը՝ ազգային թիմը փոխելու համար։ Նշվում է, որ Ալեքսանդր Պլյուշչենկոն կկարողանա միջազգային մրցաշարերում հանդես գալ Ադրբեջանի դրոշի ներքո հաջորդ մրցաշրջանից՝ այն բանից հետո, երբ Միջազգային սահադաշտային միությունը (ISU) հաստատի համապատասխան փաստաթղթերը։
Նույն ընթացակարգով շուտով Ադրբեջանի հավաքականին կմիանա նաև 18-ամյա ռուս գեղասահորդուհի Վերոնիկա Ժիլինան։ Լուրը հրապարակվում է Պլյուշչենկոյի ընտանիքում սկանդալային հայտարարությունների ֆոնին․ ավելի վաղ մարզիկի ավագ որդին՝ Եգոր Երմակը, հայտարարել էր, որ իրեն չի համարում Եվգենի Պլյուշչենկոյի որդին և մեղադրել էր նրան ընտանիքին ֆինանսապես չաջակցելու մեջ։
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
