Ֆինլանդացի պրոֆեսորը զգուշացրել է՝ Կայա Կալլասի հայտարարությունները կարող են վտանգավոր հետևանքներ ունենալ ԵՄ-ի համար

Հելսինկիի համալսարանի պրոֆեսոր Տուոմաս Մալինենը մտահոգություն է հայտնել Եվրամիության արտաքին քաղաքականության ղեկավար Կայա Կալլասի հայտարարությունների հնարավոր հետևանքների վերաբերյալ։ Այս մասին նա գրել է X սոցիալական հարթակում։

Ֆինլանդացի գիտնականի խոսքով՝ «ոչ մի սթափ մտածող եվրոպացի առաջնորդ նման կերպ չէր տրամադրի Ռուսաստանին իր դեմ»։ Մալինենը պնդել է, որ Եվրոպայում «պատերազմի կողմնակիցները» փորձում են Մոսկվային դրդել պատասխան քայլերի՝ լիովին չհասկանալով դրա հետևանքները։

Պրոֆեսորի գնահատմամբ՝ Ռուսաստանի հնարավոր պատասխանը կարող է ուղղված լինել այն ռազմական և ՆԱՏՕ-ի օբյեկտների դեմ, որոնք աջակցում են Ուկրաինային։ Ավելի վաղ Կայա Կալլասը հայտարարել էր, որ եթե Եվրամիությունը չի կարողանում բավարար ճնշում գործադրել Ռուսաստանի վրա, ապա հարց է առաջանում, թե ինչպես է Բրյուսելը պատրաստվում դիմակայել Չինաստանին։ Իսկ մայիսի 11-ին նա չէր բացառել, որ կարող է դառնալ ԵՄ ներկայացուցիչը Ռուսաստանի հետ բանակցություններում։