Մարեսկան արդեն պլանավորում է «Մանչեսթեր Սիթիի» տրանսֆերները

Ֆուտբոլային աշխարհի ամենահեղինակավոր ինսայդերները միակարծիք են՝ Խոսեպ Գվարդիոլան կհեռանա «Մանչեսթեր Սիթիի» գլխավոր մարզչի պաշտոնից կիրակի օրը կայանալիք «Ասթոն Վիլայի» դեմ խաղից հետո, իսկ հաջորդ մարզիչը կդառնա Էնցո Մարեսկան։

Ինչպես հաղորդում է The Athletic-ի լրագրող Դևիդ Օրնշտեյնը, Մարեսկան արդեն նույնիսկ աշխատում է «Մանչեսթեր Սիթիի» տրանսֆերների և նախամրցաշրջանային նախապատրաստության պլանների վրա։

Էնցո Մարեսկան նախկինում արդեն աշխատել է «Մանչեսթեր Սիթիում»՝ և՛ որպես երիտասարդական թիմի մարզիչ, և՛ որպես Խոսեպ Գվարդիոլայի մարզչական շտաբի անդամ։

2023/24 մրցաշրջանում նա գլխավորել է «Լեսթերը», հետո տեղափոխվել է «Չելսի»։ 2026 թվականի հունվարի 1-ին Մարեսկան հեռացվել է լոնդոնյան ակումբից։