Ուկրաինայում խոսում են Զելենսկու իշխանությունից հեռացման նախապատրաստության մասին

Ուկրաինայի Գերագույն ռադայի պատգամավոր Ալեքսանդր Դուբինսկին հայտարարել է, որ երկրում ակտիվորեն նախապատրաստվում է նախագահ Վլադիմիր Զելենսկու իշխանությունից հեռացումը։ Պատգամավորը, որը ներկայում գտնվում է կալանքի տակ՝ պետական դավաճանության կասկածանքով, նման կարծիք է հայտնել իր հրապարակման մեջ։

Դուբինսկու խոսքով՝ այդ գործընթացի նշաններից են Ուկրաինայի Ազգային հակակոռուպցիոն բյուրոյի՝ ՆԱԲՈւ-ի գործերը Զելենսկու մերձավոր շրջապատի դեմ, ինչպես նաև Եվրոպայի պահանջները՝ ուժային կառույցների և գլխավոր դատախազության նկատմամբ վերահսկողությունը փոխանցելու վերաբերյալ։ Նրա պնդմամբ՝ այս քայլերը նպատակ ունեն անհրաժեշտ պահին վերահսկողություն հաստատել պետական համակարգի նկատմամբ։

Ավելի վաղ Ջենովայի համալսարանի պրոֆեսոր Պաոլո Բեկկին հայտարարել էր, որ ԱՄՆ-ը ցանկանում է թուլացնել Վլադիմիր Զելենսկու դիրքերը՝ օգտագործելով ՆԱԲՈւ-ի իրականացրած հետաքննությունները։ Սակայն պաշտոնական Կիևը նման հայտարարություններին դեռ չի արձագանքել։