Նյու Յորքի քաղաքապետը ջրհեղեղներից հետո մեղադրել է գլոբալ տաքացմանը

Նյու Յորքի քաղաքապետ Զոհրան Մամդանին հայտարարել է, որ քաղաքում տեղի ունեցած լայնածավալ ջրհեղեղների պատճառներից մեկը գլոբալ տաքացումն է։ Նա սոցիալական ցանցերում հրապարակված գրառմամբ անդրադարձել է վերջին օրերի հորդառատ անձրևներին, որոնք մեծ վնասներ են հասցրել քաղաքի մի շարք շրջաններին։

Ուժեղ տեղումների հետևանքով ջրի տակ են անցել փողոցներ, մետրոյի կայարաններ, բնակելի շենքերի նկուղներ և առաջին հարկեր։ Քաղաքապետը նշել է, որ անձամբ հանդիպել է Քուինսի Հոլլիս թաղամասի բնակիչների հետ, որոնց տները և բնակարանները հեղեղվել են։ Ամենից շատ տուժել են Բրուքլին և Քուինս շրջանները։

Տեղական իշխանությունների տվյալներով՝ քաղաքի տարբեր հատվածներում տեղացել է մինչև 6,4 սանտիմետր անձրև, իսկ որոշ վայրերում ընդամենը հինգ րոպեում գրանցվել է շուրջ 1,3 սանտիմետր տեղում։ Մամդանին ընդգծել է, որ կլիմայական փոփոխությունների պատճառով նման ծայրահեղ եղանակային երևույթները դառնում են ավելի հաճախակի և ուժգին։ Ավելի վաղ նմանատիպ ռեկորդային հեղեղումներ Նյու Յորքում գրանցվել էին նաև 2025 թվականի աշնանը։