ԱՄՆ-ն կարող է հարվածել Իրանին. Axios

Միացյալ Նահանգները կարող է վերսկսել Իրանի դեմ հարվածները, և այս հարցն արդեն քննարկվել է Սպիտակ տանը, հաղորդում է Axios-ը՝ հղում անելով երկու ամերիկացի պաշտոնյաների։

Հրապարակումը նշում է, որ ԱՄՆ նախագահ Դոնալդ Թրամփը բարձրաստիճան պաշտոնյաների հետ հանդիպում է հրավիրել՝ նվիրված Իրանի դեմ պատերազմին։ Հանդիպման ժամանակ Թրամփին զեկուցվել է բանակցությունների ընթացքի և դրանց ձախողման դեպքում հնարավոր տարբեր սցենարների մասին։

«Նախագահի հետ անմիջականորեն զրուցած աղբյուրների համաձայն՝ Թրամփը լրջորեն քննարկում է Իրանի դեմ հետագա հարվածները, եթե վերջին րոպեին բանակցություններում առաջընթաց չլինի», - հաղորդում է լրատվամիջոցը։

Բանակցություններին ծանոթ ամերիկացի պաշտոնյան դրանք որակել է՝ որպես «տանջալից» և նշել, որ փաստաթղթերի նախագծերը «ամեն օր ուղարկվում են առաջ ու հետ»՝ առանց էական առաջընթացի։