Բլոգեր Արտակ Ավետիսյանին վերագրվող հանցանքը վերաորակավորվել է․ նա անցնում է խուլիգանության հոդվածով

Բլոգեր Արտակ Ավետիսյանին վերագրվող ենթադրյալ հանցանքը վերաորակավորվել է, ու հիմա ատելության խոսքի տարածման փոխարեն նա անցնում է խուլիգանության հոդվածով։ Այս մասին ֆեյսբուքյան իր էջում ուղիղ եթերի ժամանակ ասաց փաստաբան Ռուբեն Մելիքյանը։

«Մի հատ բացատրեք էլի էդ ատելության խոսքը, մի հատ Արտակի ելույթը դրեք, կողքին դրեք Նիկոլ Փաշինյանի խոսքերը ու մի հատ հասկացեք, եթե նա ատելության խոսք ա, բա սա ինչ է»,- ասաց փաստաբանը։

Փաստաբանի խոսքով՝ քննիչն այսօր արդեն նախաքննության ավարտի մասին է հայտնել, ինչը, ըստ պաշտպանի, սպասելի էր։ Մելիքյանի կարծիքով՝ ընտրություններից 1-2 օր հետո, ամենայն հավանականությամբ, առաջին դատական նիստը կկայանա։

Հիշեցնենք, որ Շենգավիթում ՔՊ քարոզարշավի ժամանակ «Նիկոլ, դավաճան» բղաված տղամարդուն հղի կնոջ աչքի առաջ բռնի կերպով բերման են ենթարկել ոստիկանության բաժին։

Մանրամասները՝ տեսանյութում։