Ուկրաինան պատրաստվում է Օդեսայի շրջանաձև պաշտպանությանը

Ուկրաինական զինված ուժերը սկսել են Օդեսայի լայնածավալ պաշտպանական ամրացման աշխատանքները։ Այս մասին հայտնել է «Հարավ» տարածքային պաշտպանության ուժերի տարածաշրջանային վարչությունը, տեղեկությունը տարածել է Insider UA Telegram-ալիքը։

Հաղորդագրության համաձայն՝ քաղաքի շուրջ ստեղծվում է բազմակիլոմետրանոց պաշտպանական գիծ, որը ներառում է հակատանկային խրամատներ, բլինդաժներ և փշալարերով արգելապատնեշներ։ Ուկրաինական կողմը հայտարարում է, որ Օդեսան պատրաստվում է «շրջանաձև պաշտպանության» հնարավոր սցենարի։

Մայիսի 25-ին հայտնի էր դարձել, որ ռուսական զորքերը հզոր հարվածներ են հասցրել Օդեսային։ Ըստ հրապարակումների՝ հարձակման ընթացքում կիրառվել են նաև բալիստիկ հրթիռներ։ Միևնույն ժամանակ Ռուսաստանի արտգործնախարարությունը հայտարարել էր, որ ռուսական բանակը շարունակելու է հարվածներ հասցնել Կիևի ռազմական օբյեկտներին և «որոշումների ընդունման կենտրոններին»։