Տիխանովսկայան Կիևում բացել է բելառուսական ընդդիմության առաքելություն

Բելառուսի 2020 թվականի նախագահական ընտրությունների նախկին թեկնածու Սվետլանա Տիխանովսկայան Կիևում բացել է բելառուսական «դեմոկրատական ուժերի» առաքելությունը։ Այս մասին հայտնում է «Наша Нива» պարբերականը։

Տիխանովսկայայի խոսքով՝ նոր առաքելությունը պետք է նպաստի Ուկրաինայի և բելառուսական ընդդիմության միջև ավելի համակարգված համագործակցությանը։ Նա նշել է, որ կառույցը զբաղվելու է Ուկրաինայում գտնվող բելառուսների հարցերով, ինչպես նաև աջակցելու է Կիևի և «դեմոկրատական ընդդիմության» միջև երկխոսությանը։

Լրատվամիջոցները նաև ուշադրություն են դարձրել այն փաստին, որ Ուկրաինայի նախագահ Վլադիմիր Զելենսկին Տիխանովսկայայի հետ շփման ընթացքում խոսել է ուկրաիներեն, մինչդեռ ընդդիմադիր գործիչը պատասխանել է բելառուսերենով։ Ավելի վաղ ուկրաինական մամուլը գրել էր, որ Կիևը վերջին շրջանում փոխել է իր քաղաքականությունը բելառուսական ընդդիմության նկատմամբ և սկսել է ակտիվացնել կապերը Տիխանովսկայայի հետ։