Բանկերը սկսել են ուշադրություն դարձնել կասկածելի փոխանցումներին

Իրավաբան Դիանա Մանգուտովան հայտնել է, թե որ բանկային փոխանցումներն են առավել հաճախ հայտնվում լրացուցիչ ստուգումների տակ։ Նրա խոսքով՝ բանկերի կասկածը կարող են առաջացնել խոշոր գումարների փոխանցումները և բազմաթիվ մուտքային գործարքները։

Մասնագետը նշել է, որ ուշադրության կենտրոնում կարող են հայտնվել ինքնազբաղված անձինք, կրկնուսույցները, բնակարան կամ մեքենա վաճառողները, ինչպես նաև այն մարդիկ, որոնց հաշվին մեծ գումար է մուտքագրվում և անմիջապես փոխանցվում այլ անձանց։ Բանկերը նաև ստուգում են այն գործարքները, որոնք իրականացվում են կասկածելի կամ խարդախության բազայում հայտնված սարքերից։

Ստուգման պատճառ կարող են դառնալ նաև օնլայն բանկում կամ «Госуслуги» համակարգում հեռախոսահամարի փոփոխությունը, սարքում վնասակար ծրագրերի առկայությունը, օպերացիոն համակարգի կամ ինտերնետ մատակարարի փոփոխությունը։ Փորձագետների խոսքով՝ բանկերը վերջին շրջանում խստացրել են վերահսկողությունը և այժմ գնահատում են ոչ միայն փոխանցումները, այլև հաճախորդի ընդհանուր վարքագիծը՝ գործարքների հաճախականությունը, գումարների չափը և փոխանցումների հասցեատերերին։