Թերին ու Մատերացին․ Մոուրինյուն նշել է իր մարզած երկու լավագույն պաշտպաններին

Լոնդոնի «Չելսիի» և Միլանի «Ինտերի» նախկին գլխավոր մարզիչ Ժոզե Մոուրինյուն բարձր է գնահատել Մարկո Մատերացիի և Ջոն Թերիի խաղային որակները՝ նրանց համարելով լավագույն պաշտպանները իր մարզչական պրակտիկայում։

​«Իմ ողջ կարիերայի ընթացքում երկու լավագույն կենտրոնական պաշտպանները, որոնց հետ ինձ վիճակվել է աշխատել, եղել են Ջոն Թերին ու Մարկո Մատերացին»,- պորտուգալացի մասնագետի խոսքերն է մեջբերում Football-Italia-ն։

​Հիշեցնենք, որ 2010 թվականին նա «Ինտերի» ղեկին նվաճեց պատմական թրեբլ՝ հաղթելով Չեմպիոնների լիգայում, Իտալիայի առաջնությունում (Սկուդետո) և երկրի գավաթում։ Այդ աստղային թիմի առանցքային խաղացողներից մեկն էլ հենց Մատերացին էր։

​Ինչ վերաբերում է Ջոն Թերիին, ապա համատեղ աշխատանքը կապված է «Չելսիի» հետ։ Անգլիայի ազգային հավաքականի նախկին ֆուտբոլիստը պորտուգալացի մարզչի գլխավորությամբ անցկացրել է 267 հանդիպում՝ դառնալով 26 գոլի և 11 արդյունավետ փոխանցման հեղինակ։