Հայաստանի զարգացող տնտեսությանը որևէ սպառնալիք չեմ տեսնում․ Փաշինյան

Հայաստանի զարգացող տնտեսությանը որևէ սպառնալիք չեմ տեսնում։ Ճեպազրույցին ՀՀ վարչապետը կրկին պնդեց, թե ԵԱՏՄ–ից ոչ միայն չեն պատրաստվում դուրս գալ, այլև պատրաստվում են լծակներն օգտագործել մեր երկրի տնտեսական շահերը պաշտպանելու համար։

«Ինչ վերաբերում է արտահանմանը և ներմուծմանը, ապա մենք դիվերսիֆիկացվում ենք, ու դա նոր չի սկսվել։ Մեր արտահանումների վիճակագրությունները տարբեր ուղղություններով կրկնապատկվել է, շատ ուրախ եմ, որ Ախալքալաք–Կարս երկաթուղին էլ բացվել է ՀՀ արտահանումների համար»,–ասաց նա։

Փաշինյանի կարծիքով` ՀՀ տնտեսության համար անծայրածիր հնարավորություններ են բացվում։ Դրանց առանցքը ԹՐԻՓՓ նախագիծն է։