Ուկրաինան արձագանքել է Ռումինիայում անօդաչու սարքի միջադեպին

Ուկրաինայի արտաքին գործերի նախարար Անդրեյ Սիբիգան հայտարարել է, որ տարածաշրջանային անվտանգությունն ապահովելու համար անհրաժեշտ է ուժեղացնել Ուկրաինային տրամադրվող աջակցությունը։

Նրա խոսքով՝ Ուկրաինայի հակաօդային պաշտպանության համակարգերի ամրապնդումը կարևոր է ոչ միայն երկրի պաշտպանության, այլև հարևան պետությունների անվտանգության համար։ Սիբիգան ընդգծել է, որ Ուկրաինան և Ռումինիան պատրաստ են շարունակել համագործակցությունը օդային անվտանգության ոլորտում։

Ավելի վաղ հաղորդվել էր, որ անօդաչու թռչող սարքը բախվել է բազմահարկ շենքի Ռումինիայի Գալաց քաղաքում, որը գտնվում է Ուկրաինայի Օդեսայի մարզի սահմանի մոտ։ Ռումինիայի ԱԳՆ-ն միջադեպի համար պատասխանատվությունը վերագրել է Ռուսաստանին։