Լուկաշենկոն պատմել է Մակրոնի հետ զրույցի մանրամասների մասին

Բելառուսի նախագահ Ալեքսանդր Լուկաշենկոն հայտարարել է, որ Ֆրանսիայի նախագահ Էմանուել Մակրոնի հետ հեռախոսազրույցի ընթացքում չի քննարկվել Բելառուսի հնարավոր ներգրավվածությունը ուկրաինական հակամարտությունում։

Լուկաշենկոյի խոսքով՝ Մակրոնը լավ է ճանաչում իրեն և գիտի, որ իրեն «նախազգուշացնելը» արդյունավետ չէ։ Բելառուսի նախագահը նշել է, որ որևէ քայլ կատարելուց առաջ բազմիցս մտածում է դրա հետևանքների մասին։

Ավելի վաղ Լուկաշենկոն նաև պատմել էր, որ զրույցի ընթացքում Մակրոնին առաջարկել է Ուկրաինայի շուրջ հարցերը քննարկել Ռուսաստանի նախագահ Վլադիմիր Պուտինի հետ «տղամարդու պես»՝ ուղիղ երկխոսության միջոցով։