«Բարսելոնան» պաշտոնական առաջարկ է ներկայացրել Մադրիդի «Ատլետիկոյին» հարձակվող Խուլիան Ալվարեսի տրանսֆերի վերաբերյալ
Սպորտ
Կատալոնական «Բարսելոնան» պաշտոնական առաջարկ է ներկայացրել Մադրիդի «Ատլետիկոյին»՝ արգենտինացի հարձակվող Խուլիան Ալվարեսի տրանսֆերի վերաբերյալ։
Ինչպես հայտնում է հեղինակավոր ինսայդեր Ֆաբրիցիո Ռոմանոն, կատալոնական գրանդը 100 միլիոն եվրո է առաջարկել՝ 26-ամյա ֆուտբոլիստի տեղափոխությունն այս ամռանը ձևակերպելու նպատակով։
Այնուամենայնիվ, կողմերը դեռ հեռու են վերջնական համաձայնությունից։ Ըստ ինսայդեր Մատեո Մորետոյի տեղեկությունների՝ մադրիդյան ակումբն իր աստղային հարձակվողի դիմաց ակնկալում է ստանալ ավելի քան 130 միլիոն եվրո։
Աղբյուրների փոխանցմամբ՝ «Ատլետիկոյի» ղեկավարությունը խիստ վրդովված է ստեղծված իրավիճակից, սակայն ինքը՝ Ալվարեսը, արդեն դիմել է ակումբին՝ խնդրելով թույլ տալ իրեն հեռանալ միջմրցաշրջանային հատվածում։
Հիշեցնենք, որ ընթացիկ մրցաշրջանում Խուլիան Ալվարեսը բոլոր մրցաշարերում անցկացրած 49 հանդիպումներում դարձել է 20 գոլի և 9 արդյունավետ փոխանցման հեղինակ։ Ընդհանուր առմամբ, մադրիդյան ակումբի մարզաշապիկով նա մասնակցել է 106 խաղի՝ իր ակտիվում գրանցելով 49 գոլ և 17 գոլային փոխանցում։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
