Թրամփի բժիշկը հայտնել է նրա առողջական վիճակի մասին

ԱՄՆ նախագահ Դոնալդ Թրամփի պլանային զննումից հետո բժիշկ Շոն Բարբաբելլան եզրակացրել է, որ նա շարունակում է լավ առողջություն ունենալ և պահպանել գերազանց ճանաչողական գործառույթ։ Այս մասին նշված է բժշկի պլանային զեկույցում, որը հրապարակվել է Սպիտակ տան կողմից, հաղորդում է Reuters-ը։

«Նախագահ Թրամփը շարունակում է գերազանց առողջություն ունենալ», - ասվում է նախագահական բժշկի զեկույցում։

Բժշկի խոսքով՝ ամերիկացի առաջնորդի բոլոր կենսական ցուցանիշները նորմալ են, այդ թվում՝ թոքերը և սիրտը։ Սա ցույց է տալիս, որ նա լիովին ունակ է կատարել իր պարտականությունները որպես գերագույն հրամանատար և պետության ղեկավար, բացատրվում է զեկույցում։