SpaceX-ը ստացել է 4,16 միլիարդ դոլարի ռազմական պայմանագիր՝ տիեզերքից հրթիռային սպառնալիքները հայտնաբերելու համար
ԱՄՆ
ԱՄՆ Տիեզերական ուժերը (United States Space Force) 4,16 միլիարդ դոլարի պայմանագիր են շնորհել SpaceX ընկերությանը՝ նոր սերնդի արբանյակային համակարգ մշակելու համար, որը նախատեսված է օդային և հրթիռային սպառնալիքների հայտնաբերման ու հետևման նպատակով։ Ծրագիրը, որը հայտնի է որպես SB-AMTI, կմիավորի տիեզերական սենսորներ, անվտանգ կապի համակարգեր և ցամաքային տվյալների մշակման կենտրոններ։
Նախագիծը հանդիսանում է ԱՄՆ նախագահ Donald Trump-ի նախաձեռնած «Golden Dome» հակահրթիռային պաշտպանության ծրագրի կարևոր բաղադրիչներից մեկը։ Ակնկալվում է, որ նոր արբանյակները կկարողանան վաղ փուլում հայտնաբերել և հետևել հրթիռների շարժին՝ նվազեցնելով ԱՄՆ պաշտպանական համակարգի «կույր գոտիները»։
Տիեզերական ուժերի հայտարարության համաձայն՝ առաջին արբանյակային համաստեղությունը պետք է շահագործման հանձնվի մինչև 2028 թվականը։ Հատկանշական է, որ ընդամենը մի քանի օր առաջ SpaceX-ը ստացել էր ևս 2,29 միլիարդ դոլարի ռազմական պայմանագիր՝ ամբողջ աշխարհում ռազմական սենսորներն ու սպառազինությունը կապող բարձր արագությամբ անվտանգ արբանյակային ցանց ստեղծելու համար։ «Golden Dome» ծրագրի ընդհանուր արժեքն արդեն հասել է 185 միլիարդ դոլարի։
ՈՒՂԻՂ ԵԹԵՐ
Ամենադիտված 
Սամվել Կարապետյանը հանդես կգա ճակատագրական հայտարարությամբ. «Ուժեղ Հայաստան» 
