Չինաստանը քննադատել է Ուկրաինայի հարցով Ճապոնիայի նոր որոշումը

Չինաստանը մտահոգություն է հայտնել Ճապոնիաի որոշման կապակցությամբ՝ ռազմական ներկայացուցիչներ ուղարկել ՆԱՏՕ-ի այն կառույցներ, որոնք զբաղվում են Ուկրաինայի անվտանգության աջակցության և զինվորական պատրաստման հարցերով։

Չինաստանի ԱԳՆ պաշտոնական ներկայացուցիչ Լին Ցզյանը հայտարարել է, որ Տոկիոյի այս քայլը, ըստ Պեկինի, կարող է շեղում համարվել Ճապոնիայի սահմանադրական սահմանափակումներից և երկրի ավանդական պաշտպանական քաղաքականությունից։ Նա նաև նշել է, որ վերջին շրջանում Ճապոնիան ակտիվացնում է համագործակցությունը տարածաշրջանից դուրս գործող ռազմական կառույցների հետ։

Ավելի վաղ հաղորդվել էր, որ Ճապոնիայի պաշտպանության նախարարությունը նախատեսում է չորս սպայի ուղարկել Գերմանիա՝ ծանոթանալու ՆԱՏՕ-ի կողմից Ուկրաինային տրամադրվող ռազմական աջակցության կազմակերպմանը։ Ճապոնական կողմը նշել է, որ զինվորականները կմնան գերմանական ռազմաբազայում և չեն մասնակցի ռազմական գործողություններին։