Քննչական համակարգը փոփոխությունների հո՞տ է զգում․ Քկ նախագահը նոր հրահանգ է իջեցրել

Պետական համակարգն սկսել է դիմադրություն ցույց տալ իշխանություններին։ ՀՀ Քննչական կոմիտեում նոր տրամադրվածություն կա՝ նախագահի մակարդակով՝ չմիջամտել ընտրական գործընթացներին։ 

Euromedia24-ի աղբյուրների փոխանցմամբ՝ դեռևս 2 շաբաթ առաջ հրահանգ է իջեցվել՝ չտրվել ներսենյակային ու ներմիջանցքային պորովոկացիաներին։ Այլ կերպ ասած՝ քաղաքական քննարկումներ չծավալել քննչական համակարգում։ Այդպիսով Քննչական կոմիտեում պետք է պահպանվեն մաքսիմալ նեյտրալ մոտեցումներ՝ առնվազն այս փուլում։  

Մեր աղբյուրը հայտնում է, որ համակարգի ներսում, ըստ աշխատակիցների՝ այս հրամանը պայմանավորվում է ՔԿ նախագահ Արթուր Պողոսյանի զգուշավորությամբ։ 

Երկարամյա աշխատողի խոսքով՝ Արթուր Պողոսյանը , որը բացահայտ վերաբերմունք է հայտնել հակաեկեղեցական շարժման զոհ դարձած արքեպիսկոպոսների վերաբերյալ, հիմա զգուշանում է, որովհետև փոփոխությունների հոտ է զգում։ Հնարավոր է՝ իրավապահ համակարգում վերնախավը ցանկանում է այս անցումային փուլում ապահովել իր անվտանգության բարձիկները, որպեսզի նոր ընտրված ղեկավարների հետ ձեռքսեղման հնարավորությունն ապահովի։