Երևանում վիրավորվել է Պարույր Հայրիկյանը, նախագահական ընտրությունները հնարավոր է՝ հետաձգվեն. Al jazeera

«Երևանում անհայտ անձի կողմից վիրավորվել է Պարույր Հայրիկյանը, նախագահական ընտրությունները հնարավոր է՝ հետաձգվեն»,-այս մասին նշել է Al jazeera գործակալությունը: 

«Հայաստանի նախագահի թեկանծու Պարոույր Հայրիկյանն անհայտ անձի կողմից կրակոցի պատճառով ծանր վիրավորվել է, ինչի հետևանքով կարող են հետաձգվել նախագահական ընտրությունները: Պարույր Հայրիկյանը, որի կյանքը այժմ վտանգի տակ չէ, փետրվարի 18-ին սպասվող նախագահի ընտրություններում 8 թեկնածուներից մեկն էր, սակայն իրական մրցակից չէր նախագահ Սերժ Սարգսյանի համար, ով մեծ հնարավորություն ունի երկրորդ անգամ ընտրվելու: 

Համաձայն ՀՀ սահմանադրության՝ ընտրությունները կարող են հետաձգվել երկու շաբաթով, եթե թեկնածուն չի կարողանում մասնակցել նախագահական ընտրություններին: Իսկ եթե նախագահի թեկնածուն մահանում է, ապա ընտրությունները տեղի են ունենում 40 օրվա ընթացքում: 

ՀՀ ԱԺ նախագահ Հովիկ Աբրահամյանը նշել է, որ ընտրությունների հետաձգումը կախված է Պարույր Հայրիկյանի առողջական վիճակից: 

«2008 թվականին խորհրդարանական ընտրությունների ժամանակ Հայաստանը, որը Հարավային Կովկասում Ռուսաստանի հիմնական դաշնակիցն է, «աչքի ընկավ» ցուցարարների և ոստիկանության միջև բախումներով»,– գրել է լրատվականը։