Լուկաշենկոն Ռուսաստանը անվանել է արդար աշխարհակարգի երաշխավոր
Քաղաքական
Բելառուսի նախագահ Ալեքսանդր Լուկաշենկոն Ռուսաստանի օրվա առթիվ շնորհավորական ուղերձ է հղել Ռուսաստանի նախագահ Վլադիմիր Պուտինին և երկրի քաղաքացիներին՝ Ռուսաստանը բնութագրելով որպես արդար աշխարհակարգի երաշխավոր։ Այդ մասին հայտնում է ՌԻԱ Նովոստին։
Շնորհավորական ուղերձում Լուկաշենկոն նշել է, որ Ռուսաստանը վստահ է իր ուժերի վրա, հանդիսանում է առաջատար պետություն և համաշխարհային ազդեցիկ կենտրոններից մեկը՝ ունենալով հզոր տնտեսական և պաշտպանական ներուժ։
Բելառուսի նախագահը նաև ընդգծել է երկու ժողովուրդների պատմական կապերը՝ նշելով, որ Մինսկն ու Մոսկվան մշտապես անցել են փորձությունների ու ձեռքբերումների ճանապարհը միասին։ Նրա խոսքով՝ տարիներով ամրացած բարեկամությունն այսօր էլ շարունակում է ուժ և հիմք հանդիսանալ երկու երկրների հետագա զարգացման համար։
Լուկաշենկոն Պուտինին մաղթել է առողջություն և հաջողություններ, իսկ Ռուսաստանի քաղաքացիներին՝ բարեկեցություն և խաղաղություն։ Նա շնորհավորական ուղերձներ է հղել նաև Ռուսաստանի վարչապետ Միխայիլ Միշուստինին, Դաշնության խորհրդի նախագահ Վալենտինա Մատվիենկոյին և Պետդումայի նախագահ Վյաչեսլավ Վոլոդինին։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
