Իսպանացի ֆուտբոլիստին դատապարտել են ազատազրկման՝ բռնաբարության մեղադրանքով

Իսպանացի ֆուտբոլիստ Ռաֆայել Միրը դատապարտվել է 8,5 տարվա ազատազրկման՝ բռնաբարության գործով։ Այդ մասին հայտնում է Marca-ն։

28-ամյա մարզիկը պարտավորվել է նաև տուժողին վճարել 64 հազար եվրո փոխհատուցում։

Ըստ մեղադրանքի՝ 2024 թվականի սեպտեմբերի 1-ին Միրը ընկերոջ հետ բռնի գործողություններ է կատարել երկու աղջիկների նկատմամբ, որոնց հետ ծանոթացել էին դիսկոտեկում։ Դեպքերից մեկը տեղի է ունեցել լոգասենյակում, մյուսը՝ ֆուտբոլիստի տան հարակից լողափում։

Ֆուտբոլիստի ընկերը դատապարտվել է 2,5 տարվա ազատազրկման և տուգանքի։ Միրը քննության ընթացքում հերքել է մեղադրանքները՝ պնդելով, որ հարաբերությունները եղել են փոխադարձ համաձայնությամբ, և հայտարարել է, որ կբողոքարկի դատավճիռը։

Անցած մրցաշրջանում նա «Էլչեի» կազմում անցկացրել էր 29 հանդիպում և դարձել ութ գոլի հեղինակ, իսկ ավելի վաղ «Սևիլիայի» հետ հաղթել էր Եվրոպայի լիգան։