Ուկրաինայի ԶՈւ-ում կոչ են արել չհրապարակել Կիևում ընկած Patriot հրթիռի բեկորների լուսանկարները

Ուկրաինայի զինված ուժերի մայոր Անդրեյ Տկաչուկը հայտարարել է, որ Կիևի բնակիչները չպետք է սոցիալական ցանցերում հրապարակեին Patriot հակահրթիռային համակարգի ընկած հրթիռի բեկորների լուսանկարները։

Նրա խոսքով՝ գիշերային հարվածներից հետո բազմաթիվ մարդիկ սկսել են տարածել նման կադրեր՝ հաճախ չհասկանալով, թե իրականում ինչ են լուսանկարում և ինչ վտանգներ կարող է դա առաջացնել։

Ավելի վաղ ուկրաինական սոցցանցերում տարածվել էին Կիևի վրա իրականացված գիշերային հարվածների տեսանյութեր։ Միևնույն ժամանակ Ռուսաստանի պաշտպանության նախարարությունը հայտարարել էր, որ իրականացրել է պատասխան հարվածներ Ուկրաինայի ռազմական օբյեկտների ուղղությամբ։

ՌԴ ՊՆ-ն նաև հայտնել էր, որ Կիևո-Պեչորյան լավրայի տարածքում բռնկված հրդեհը կապված է եղել ուկրաինական Patriot համակարգի հրթիռի հետ։