Ֆինլանդիայի խորհրդարանը չեղարկել է միջուկային զենքի ներմուծման և պահպանման սահմանափակումները

Ֆինլանդիայի խորհրդարանը հաստատել է օրենսդրական փոփոխությունները, որոնցով չեղարկվում է երկրում գրեթե 40 տարի գործող միջուկային զենքի ներմուծման և պահպանման արգելքը։ Այդ մասին հայտնում է РИА Новости-ն։

Կառավարության նախաձեռնությանը կողմ է քվեարկել 125 պատգամավոր, դեմ՝ 61-ը, ևս 13 պատգամավոր չի մասնակցել քվեարկությանը։

Ավելի վաղ Ֆինլանդիայի կառավարությունը առաջարկել էր վերանայել գործող սահմանափակումները՝ երկրի պաշտպանունակության բարձրացման նպատակով։

Երկրի պաշտպանության նախարար Անտտի Հյակկանենի խոսքով՝ օրենսդրական փոփոխությունը միտված է ազգային անվտանգության մակարդակի առավելագույն ամրապնդմանը։