Անցած 1 օրում գրանցվել է 12 ավտովթար․ 3 մարդ զոհվել է

ՆԳՆ ոստիկանությունից ներկայացնում են օպերատիվ իրավիճակը հանրապետությունում հունիսի 30-ից հուլիսի 1-ը։

Բացահայտվել է 74 հանցագործություն, որոնցից 5-ը՝ նախկինում կատարված:
Մասնավորապես՝

15 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
7-ական դեպք՝ մարմնական վնասվածք պատճառելու, ֆիզիկական ներգործության,
 4 դեպք՝ զենք-զինամթերքի առգրավման,
3 դեպք՝ հոգեկան ներգործության,
2-ական դեպք՝ անձնական ունեցվածքի գողության, խարդախության,  շորթման, խուլիգանության, պաշտոնեական կեղծիքի կամ անփութության, թմրանյութի հայտնաբերման, սառը զենքի հայտնաբերման, աշխատանքի պաշտպանության կանոնները խախտելու։
Բացահայտվել է գույքը ոչնչացնելու կամ վնասելու, բռնություն գործադրելու հրապարակային կոչերի,  դատավորի, դատախազի, քննիչի նկատմամբ սպառնալիքի, աշխատանքի պաշտպանության կանոնները խախտելու, սպանության նախապատրաստության, թմրամիջոցների մաքսանենգության, տրանասպորտային միջոցի նույնականցման տարրերը կեղծելու, փաստաթղթի կեղծիքի, բնակարանի անձեռնմխելիությունը խախտելու և այլ դեպքեր։

Նախկինում կատարված հանցագործություններից բացահայտվել է․

2-ական դեպք՝ խարդախության, մարմնական վնասվածք պատճառելու։
1 դեպք՝ ֆիզիկական ներգործության։

Հայտնաբերվել է 4 հետախուզվող, կամավոր ներկայացել է 1 հետախուզվող։
Հայտնաբերվել է 1 անհետ կորած։
Գրանցվել է զենք-զինամթերք կամավոր հանձնելու 41 դեպք։

ՃՏՊ վիճակագրություն
Անցած 1 օրում գրանցվել է 12 ավտովթար․ 3 մարդ  զոհվել է, 19-ը՝ ստացել տարբեր աստիճանի մարմնական վնասվածքներ։