Քաղաքագետը նշել է Ուկրաինայի կառավարությունում կադրային փոփոխությունների երեք պատճառ

Քաղաքագետ Իվան Մեզյուխոյի կարծիքով՝ Ուկրաինայի նախագահ Վլադիմիր Զելենսկու նախաձեռնած կառավարական կադրային փոփոխությունները պայմանավորված են երեք հիմնական գործոնով՝ հնարավոր ընտրություններին նախապատրաստվելով, Ռուսաստանի հետ հնարավոր բանակցությունների համար քաղաքական դաշտը վերադասավորելու փորձով և կոռուպցիոն հետքերը քողարկելու ձգտմամբ։

«Լենտա.ռու»-ի հետ զրույցում նա նշել է, որ Զելենսկին պատրաստվում է ինչպես հնարավոր բանակցություններին, այդ թվում՝ հրադադարի շուրջ, այնպես էլ ապագա ընտրություններին՝ միաժամանակ վերաձևավորելով իշխանական համակարգը։

Մեզյուխոյի խոսքով՝ պաշտոնից հեռացող վարչապետ Յուլիա Սվիրիդենկոն ժամանակին ընտրվել էր այդ պաշտոնի համար, քանի որ, նրա գնահատմամբ, չուներ այնպիսի լայն կոռուպցիոն կապեր, ինչպիսին իշխանության մյուս բարձրաստիճան ներկայացուցիչները։

Քաղաքագետը չի բացառել, որ վարչապետի պաշտոնի հավակնորդների թվում կարող են լինել ներկայիս պաշտպանության նախարար Միխայիլ Ֆյոդորովը և նախկին վարչապետ Դենիս Շմիհալը։

Միաժամանակ նա ընդգծել է, որ ցանկացած կադրային փոփոխություն կարող է որոշակի ռիսկեր ստեղծել Զելենսկու իշխանության կայունության համար, թեև, նրա կարծիքով, այն կարող է նաև որոշ չափով ակտիվացնել երկրի ներքաղաքական կյանքը։