The Economist․ Զելենսկին վարչապետի պաշտոն է առաջարկել Միխայիլ Ֆեդորովին

Ուկրաինայի նախագահ Վլադիմիր Զելենսկին նախկին պաշտպանության նախարար Միխայիլ Ֆեդորովին առաջարկել է զբաղեցնել վարչապետի պաշտոնը՝ կառավարության նախկին ղեկավար Յուլիա Սվիրիդենկոյի հրաժարականից անմիջապես առաջ։ Այդ մասին հայտնում է The Economist-ը՝ հղում կատարելով իր աղբյուրներին։

Պարբերականի տվյալներով՝ հուլիսի 12-ին Զելենսկին հետաքրքրվել է՝ արդյոք Ֆեդորովը պատրաստ է ստանձնել վարչապետի պաշտոնը։ Սակայն վերջինս հրաժարվել է առաջարկից, ինչից հետո կառավարության ղեկավարի պաշտոնի հիմնական թեկնածուն դարձել է «Նավթոգազ Ուկրաինա» ընկերության ղեկավար Սերգեյ Կորեցկին։

The Economist-ը նշում է, որ սովորական պայմաններում նման առաջարկը կհամարվեր առաջխաղացում, սակայն տվյալ իրավիճակում այն ընկալվել է որպես Ֆեդորովի ծրագրերի ձախողման նշան։

Հրապարակման համաձայն՝ այդ ժամանակ Ֆեդորովն արդեն լարված հարաբերություններ ուներ Ուկրաինայի զինված ուժերի հրամանատարության, մասնավորապես՝ գլխավոր հրամանատար Ալեքսանդր Սիրսկու հետ։ Զինվորական ղեկավարությունը քննադատում էր նրա կառավարման մոտեցումները և նշում, որ նա ռազմական փորձ չունի, իսկ բարեփոխումների մի մասը բնութագրում էր որպես արդեն իրականացվող աշխատանքների «PR-վերափաթեթավորում»։

Ավելի վաղ Վլադիմիր Զելենսկին առաջին անգամ հրապարակայնորեն մեկնաբանել էր պաշտպանության նախարարության և ԶՈւ գլխավոր շտաբի միջև առկա տարաձայնությունները՝ ընդունելով, որ համագործակցության խնդիրներ կան տարբեր մակարդակներում։