ԱՄՆ-ն բրազիլական լուծվող սուրճը ազատել է 25 տոկոս մաքսատուրքից

ԱՄՆ-ն որոշել է 25 տոկոս մաքսատուրք չկիրառել Բրազիլիայից ներմուծվող լուծվող սուրճի նկատմամբ։ Այդ մասին հայտնում է Reuters-ը։

Այս որոշումը կպահպանի Բրազիլիայից ԱՄՆ տարեկան 2-2,5 միլիարդ դոլարի սուրճի արտահանումը։

Ավելի վաղ ԱՄՆ նախագահ Դոնալդ Թրամփի վարչակազմը 25 տոկոս մաքսատուրք էր սահմանել Բրազիլիայից ներմուծվող ապրանքների մեծ մասի նկատմամբ, սակայն լուծվող սուրճը բացառություն է դարձել։

Բրազիլիայի լուծվող սուրճ արտադրողների ասոցիացիայի տվյալներով՝ 2025 թվականին այս ապրանքի արտահանումը ԱՄՆ նվազել էր գրեթե 30 տոկոսով՝ գործող մաքսատուրքերի պատճառով։