Ռոբերտ Քոչարյանը չի վերցնի նաև 9-րդ գումարման ԱԺ մանդատը

«Հայաստան» դաշինքի պատգամավորի թեկնածու Ագնեսա Խամոյանը Aurora News-ի հետ զրույցում հայտնել է, որ դաշինքի պատգամավորական մանդատները կվերցնեն ըստ ցուցակի հերթական համարների՝ բացառությամբ ՀՀ երկրորդ նախագահ Ռոբերտ Քոչարյանի։

Խամոյանի խոսքով՝ Ռոբերտ Քոչարյանը չի պատրաստվում վերցնել պատգամավորական մանդատը։

«Հայաստան» դաշինքի պատգամավորի թեկնածուն նշել է, որ 9-րդ գումարման Ազգային ժողովում դաշինքն ունի 12 մանդատ, և այդպիսով պատգամավոր կդառնա նաև ցուցակի 13-րդ համարը՝ Մեսրոպ Մանուկյանը։

Ռոբերտ Քոչարյանը պատգամավորական մանդատ չէր վերցրել նաև 2021 թվականի խորհրդարանական ընտրություններից հետո։ Նրա դիրքորոշումը, ըստ Ագնեսա Խամոյանի, նույնն է մնացել։

2021 թվականին Ռոբերտ Քոչարյանն ասել էր, որ իրեն  չի պատկերացնում օրենսդիր մարմնում, քանի որ գործադիր իշխանության ղեկավար աշխատած մարդը, Ազգային ժողովում անելիք չունի։