Զելենսկին պաշտոնապես ազատել է Ուկրաինայի ԶՈւ գլխավոր հրամանատար Ալեքսանդր Սիրսկուն

Ուկրաինայի նախագահ Վոլոդիմիր Զելենսկին ստորագրել է հրամանագիր, որով պաշտոնից ազատել է Ուկրաինայի զինված ուժերի գլխավոր հրամանատար Ալեքսանդր Սիրսկուն։ Համապատասխան փաստաթուղթը հրապարակվել է Ուկրաինայի նախագահի պաշտոնական կայքում։

Մեկ այլ հրամանագրով պաշտոնից ազատվել է նաև ԶՈւ Գլխավոր շտաբի պետ Անդրեյ Գնատովը։ Միաժամանակ Զելենսկին Իգոր Սկիբյուկին նշանակել է Գլխավոր շտաբի պետ, իսկ Միխայիլ Դրապատիին՝ Ուկրաինայի զինված ուժերի գլխավոր հրամանատար։

Միևնույն ժամանակ, լրատվամիջոցների փոխանցմամբ, Դրապատիի նշանակման հետ կապված իրավական հարցեր են առաջացել։ Ուկրաինայի ազգային անվտանգության մասին օրենքի համաձայն՝ նախագահը ԶՈւ ղեկավար կազմին նշանակում է պաշտպանության նախարարի ներկայացմամբ, մինչդեռ այդ պաշտոնը ներկայում թափուր է։ Չնայած դրան՝ Դրապատին հայտարարել է, որ արդեն անցել է իր պարտականությունների կատարմանը։