Գաստրոէնտերոլոգը պարզաբանել է՝ արդյոք պետք է լվանալ ձվերը պատրաստելուց առաջ

Գաստրոէնտերոլոգ Ալեքսանդր Պրիկազչիկովը հայտնել է, որ խանութից գնված հավի ձվերը պարտադիր չէ լվանալ պատրաստելուց առաջ, նույնիսկ եթե դրանց վրա փետուրներ կամ թեթև աղտոտվածություն կա։ Նրա խոսքով՝ տեսանելի կեղտը կարելի է պարզապես զգուշությամբ մաքրել չոր անձեռոցիկով, ապա անցնել պատրաստմանը։

Բժիշկը նշել է, որ տնային կամ ֆերմերային տնտեսություններից ձեռք բերված աղտոտված ձվերը կարելի է լվանալ, սակայն միայն անմիջապես պատրաստելուց առաջ, ոչ թե նախօրոք։ Իսկ եթե նախատեսվում է օգտագործել կիսահում կամ ամբողջությամբ չեփված ձու, ավելի անվտանգ է ընտրել պաստերիզացված հեղուկ ձվամթերք, այլ ոչ թե հույս դնել միայն լվացման վրա։

Պրիկազչիկովը հավելել է, որ ԱՄՆ Սննդամթերքի և դեղերի վարչության (FDA) խորհուրդների համաձայն՝ սննդային անվտանգության տեսանկյունից առավել կարևոր է ձվերը ճիշտ պահելը, ձեռքերի հիգիենան պահպանելը և դրանք լիարժեք ջերմային մշակման ենթարկելը։