Մեր պատգամավորներից ոմանք`ԱԿ-74 ինքնաձիգի ձգանի տեղը չիմանալով ինքնահռչակվում են «պատերազմի մասնակից». Տավրոս Սափեյան

Թալինի համայնքապետ Տավրոս Սափեյանը ֆեյսբուքյան իր էջում գրել է.

Մեր պատգամավորներից ոմանք`ԱԿ-74 ինքնաձիգի ձգանի տեղը չիմանալով, պատերազմը միայն որպես տերմին ընկալելով, այսօր ինքնահռչակվում են «պատերազմի մասնակից»՝ այդ հանգամանքը որպես անձնական հեղինակության և հարգանք պահանջելու հիմնավորում ներկայացնելով։

Անկեղծ հարգանք ունեմ յուրաքանչյուր մարդու նկատմամբ, ով մասնակցել է հայրենիքի պաշտպանությանը։

Սակայն դա չի փոխում մեկ կարևոր հանգամանք. լրագրողի հարցին ի պատասխան «ես պատերազմում եմ կռվել, ինձ հետ հարգանքով խոսեք» ձևակերպումը տեղին չէ։

Պատերազմը մեդալ չէ, որը կարելի է ամեն անհարմար հարցի պահին կախել կրծքին։ Ամենամեծ անհարգալից վերաբերմունքը հենց պատերազմի գաղափարի նկատմամբ է, երբ այն վերածվում է քաղաքական վահանի։

Եվ ի հավելումն, ժողովրդավարական հասարակությունում հարգանքը չի կարող լինել ինքնահռչակ կամ պահանջված դիրք․ այն ձևավորվում է միայն սեփական խոսքի, վարքի և գործի հետևողականությամբ։

Հարգանքը չեն պահանջում։ Հարգանքը վաստակում են