Երևանում «Tank»-ից գողացել են 30 հազար դոլար

Օգոստոսի 9-ին Երևանում խոշոր չափի գողության դեպք է տեղի ունեցել։ Փավստոս Բյուզանդ փողոցում կայանված «Tank» մակնիշի ավտոմեքենայից հափշտակվել է 30 հազար ԱՄՆ դոլար:

Ըստ հաղորդման՝ 18։10-ից մինչև 21։20-ն ընկած ժամանակահատվածում անհայտ անձը, օգտվելով ավտոմեքենայի դուռը բաց լինելու հանգամանքից, ներսից գողացել է գումարը։

Դեպքի վերաբերյալ նյութերը փոխանցվել են Քննչական կոմիտե, որտեղ նախաձեռնվել է քրեական վարույթ։ Դեպքի հանգամանքները և հնարավոր հանցագործին հայտնաբերելու ուղղությամբ քննությունը շարունակվում է։