«Զսպեք ձեր ներսի պոետներին»․ Ռուբինյանը՝ ընդդիմությանը

ԱԺ փոխնախագահ Ռուբեն Ռուբինյանը խորհրդարանում դիմել է ընդդիմության ներկայացուցիչներին՝ կոչ անելով դադարեցնել պոետիկ բնույթի հրապարակումներն ու անցնել բովանդակային քննարկումների։

Ռուբինյանի խոսքով՝ ԱԺ-ում նկատում է լարվածություն, և եթե ընդդիմությանը դուր չի գալիս որոշ պատգամավորների հրապարակումներում հնչող «պոեզիան», ապա իրենք ևս պետք է պատրաստ լինեն նմանատիպ արձագանքների։

«Առաջարկում եմ ընդհանրապես պոեզիան թողնել պոետներին և զբաղվել երևույթներով։ Այս նիստերն արդեն վերածվում են ինչ-որ «Ալֆրեդի սենյակի», եկեք անցնենք բովանդակությանը»,- ասել է նա։

Ռուբինյանը նաև ընդդիմությանը հորդորել է «զսպել ներսի պոետներին և ոչ միայն պոետներին»։