Էդգար Ղազարյան․ Ալեն Սիմոնյանն իր գործունեությամբ սպառնալիք է Հայաստանի համար
Քաղաքական
«Ուժեղ Հայաստան» խմբակցության պատգամավոր Էդգար Ղազարյանը ԱԺ միջանցքում լրագրողների հետ զրույցում հերքել է այն տեղեկությունները, թե իր ելույթների վրա որևէ սահմանափակում կամ արգելք է դրված։
Նրա խոսքով՝ նման որոշում գոյություն չունի, իսկ պատգամավորների ելույթների հերթագրումը նախատեսված է խորհրդարանական նիստի ընդմիջումից հետո։
«Իմ ելույթների վրա արգելք դրված չէ, պարզապես ընդհանուր ելույթների թիվը սահմանափակված է»,- նշել է Ղազարյանը։
Պատգամավորը պարզաբանել է, որ խմբակցությունների միջև առկա է պայմանավորվածություն ելույթների քանակի վերաբերյալ, և անհրաժեշտ է հնարավորություն տալ, որպեսզի ելույթ ունենան նաև խմբակցության մյուս պատգամավորները։
Անդրադառնալով ԱԺ նախկին նախագահ Ալեն Սիմոնյանի վերջին գրառմանը՝ Ղազարյանը քննադատական գնահատական է տվել նրա գործունեությանը։
«Կարծում եմ՝ Ալեն Սիմոնյանն իր գործունեությամբ և զբաղեցրած կարգավիճակով սպառնալիք է Հայաստանի Հանրապետության համար»,- ասել է նա։
Ղազարյանը նաև նշել է, որ առանձնապես ուշադրություն չի դարձնում Սիմոնյանի հրապարակումներին՝ հավելելով, որ, ինչպես ավելի վաղ նշել էր ԲՏԱ նախարարի տեղակալը, դրանք պարզապես պետք է անտեսել։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
