Պուտինն ու Մյանմայի նախագահը բանակցություններ են սկսել Կրեմլում

Ռուսաստանի նախագահ Վլադիմիր Պուտինը Կրեմլում ընդունել է պաշտոնական այցով Մոսկվա ժամանած Մյանմայի նախագահ Մին Աուն Հլայնին։ Կողմերի բանակցություններն արդեն մեկնարկել են, հայտնում է ՌԻԱ Նովոստին։

Հանդիպման ընթացքում նախատեսվում է քննարկել տարբեր ոլորտներում երկկողմ համագործակցության խորացման հեռանկարները, ինչպես նաև միջազգային և տարածաշրջանային օրակարգի արդիական հարցեր։

Բանակցությունների ավարտին Պուտինն ու Մին Աուն Հլայնը նախատեսում են ստորագրել մի շարք երկկողմ փաստաթղթեր։