«Վճիռը վաղուց էր գրված, դատարանը միայն խաղաց իր դերը». Դավիթ Բաբայանի ձայնային ուղերձը ադրբեջանական բանտից
ԻրավունքԱդրբեջանական գերության մեջ գտնվող Արցախի նախկին արտգործնախարար Դավիթ Բաբայանը դիմել է իրավապաշտպաններին, միջազգային կառույցներին և բարի կամքի մարդկանց։ Նրա ձայնային ուղերձը NEWS.am-ին փոխանցել է Բաբայանի ընտանիքը։
Բաբայանն անդրադարձել է Բաքվում իր և մյուս հայ գերիների գործով ընթացած վերաքննիչ դատավարությանը՝ այն որակելով որպես նախապես ծրագրված և ձևական գործընթաց։
«Սա դատավարություն չէր, այլ նախապես գրված սցենարով թատրոն։ Նույնիսկ չփորձեցին ուղղել ակնհայտ սխալները։ Վերջին նիստում, օրինակ, իմ պաշտպաններին ներկայացրեցին նախկին կազմով, մինչդեռ նրանք դատավարության ընթացքում փոխվել էին։ Դա ևս մեկ անգամ ցույց է տալիս, որ որոշումները վաղուց էին կայացված, իսկ ընթացակարգերը պարզապես ձևական բնույթ էին կրում»,- նշել է նա։
Բաբայանի խոսքով՝ վերաքննիչ փուլը կարևոր էր հիմնականում այն պատճառով, որ հետագայում հնարավոր լինի դիմել միջազգային դատական ատյաններ։
Նա նաև ուշադրություն է հրավիրել այն հանգամանքի վրա, որ վերաքննիչ դատարանում ներկա չեն եղել քաղաքացիներ, մինչդեռ առաջին ատյանի նիստերին, իր խոսքով, յուրաքանչյուր անգամ մասնակցում էին հարյուրավոր մարդիկ, որոնք հատուկ կերպով էին բերվում դատարան։
«Մարդիկ տեսնում էին, թե ինչ է կատարվում դատական նիստերի ընթացքում, տեսնում էին չարաշահումները, մեր դիրքորոշումները և ինքնապաշտպանությունը։ Այդ ամենը, բնականաբար, ազդեցություն էր ունենում նաև հասարակական ընկալումների վրա»,- ասել է Բաբայանը։
Մանրամասները՝ սկզբնաղբյուր կայքում
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
