Հայկական եկեղեցին կվերածվի թուրքական համալսարանի՞

Կիպրոսի Մերձավոր Արևելքի համալսարանի պաշտոնյաները հայտնել են, որ նրանք հրաժարվում են 14-րդ դարի սուրբ Մարիամ եկեղեցու անօրինական վարձակալությունից ԱՄՆ-ում ցույցերից հետո: Այս մասին հայտնում է Asbarez.com կայքը` հղում կատարելով Milliyet պարբերականին: 

10 տարվա վարձակալությունը, որը Մերձավոր Արևելքի համալսարանին էր տրամադրել Կիպրոսի կրոնական հիմնադրամների կազմակերպությունը, քննադատվել է ԱՄՆ և ՄԱԿ-ի զարգացման ծրագիր-համագործակցության և վստահության կազմակերպության (UNDP-ACT) կողմից:

Երբ օկուպացված Կիպրոսի ղեկավար Դերվիշ Էրօղլուն ներկայացել է ՄԱԿ-ի գլխավոր ասամբլեա, նրանից պահանջել են անհապաղ լուծել այդ խնդիրը: 

Կիպրոսի ԱՄՆ դեսպան Ջոն Կոինգը նույնպես կոչ է արել օկուպացված Կիպրոսի ղեկավարներին անհապաղ լուծել խնդիրը, քանի որ սխալ կլինի հայկական եկեղեցին վերածել թուրքական գիտական կենտրոնի: 

Վերջինիս դեմ է հանդես եկել նաև խորհրդարանի հայ ներկայացուցիչ Վարդգես Մահտեսյանը: