Հայ միգրանտ աշխատողները Սոչիի ձմեռային օլիմպիադայի կառույցներում չարաշահվում են. Human Rights Watch

Human Rights Watch մարդու իրավունքների միջազգային կազմակերպությունը հաշվետվություն է թողարկել, որտեղ դատապարտվում է 2014 թվականի ձմեռային օլիմպիադայի շինարարություններում աշխատավորների իրավունքների չարաշահումները:

Մարդու իրավունքների կազմակերպությունը նշել է, որ շատ աշխատակիցներ արձանագրել են, որ իրենցից վերցրել են անձնագրերը, զրկել են աշխատավարձից և պարտադրում են 12 ժամ աշխատել: 

Կազմակերպության հաշվետվությունը հիմնված է Հայաստանից, Ղրղզստանից, Սերբիայից և Ուկրաինայից 66 միգրանտ աշխատողների հարցազրույցի վրա: 

Արձանագրության մեջ մասնավորապես նշված է. «Ազգային և միջազգային օրենքներով ռուսական կառավարությունը պարտավորություններ ունի պաշտպանել աշխատավորների, այդ թվում՝ նաև միգրանտ աշխատողների իրավունքները»: 

Սոչիի քաղաքապետ Անատոլի Պոխոմովը նշել է, որ քաղաքի պաշտոնյաները տեղյակ չեն զանգվածային չարաշահումների մասին: 

«Նրանք, ովքեր պատասխանատու են չարաշահումների համար, կապալառուներն են, սակայն քաղաքապետարանը մեղավոր է, քանի որ բողոքները մնացել են անպատասխան»:

Human Rights Watch նշել է, որ շուրջ 16,000 միգրանտ աշխատողներ Ռուսաստանի դրսից եկել են Սոչի օլիմպիադայի կառույցների համար: Նրանք նաև կոչ են արել Միջազգային Օլիմպիական կոմիտեին ավելի ակտիվ քայլեր ձեռնարկել աշխատողների իրավունքները պաշտպանելու համար: Միջազգային Օլիմպիական կոմիտեն բողոքների հարցը ավելի մոտից է հետաքննելու և այդ նպատակով քայլեր կձեռնարկի Սոչիում: