Գերմանիայում տեղի է ունեցել «Ուկրաինայում հայ մշակույթի նկարազարդ հանրագիտարանի» ցուցահանդեսը

Գերմանիայում ցուցադրվել է ուկրաինացի գիտնական, փիլիսոփայական գիտությունների թեկնածու և հայագետ Ի. Գայուկի «Ուկրաինայում հայ մշակույթի նկարազարդ հանրագիտարան» գրքի ցուցադրությունը:

Փետրվարի 4-ին գիրքը ցուցադրվել է Մարտին Լյութերի անվան Հալլե Վիտենբուրգի համալսարանում, որը կազմակերպվել էր արևելագիտության ֆակուլտետին կից Մեսրոպ Մաշտոցի անվան հայագիտական հետազոտական կենտրոնի կողմից, իսկ փետրվարի 7-ին Լայպցիգի համալսարանի Կենտրոնական և Արևելյան Եվրոպայի պատմության և մշակույթի կենտրոնում: 

Գրքում ներկայացվում է Ուկրաինայի տարբեր շրջաններում հայերի կյանքը, հայկական մշակույթի պատմությունը և հայերի գործունեության հիմնական բնագավառները՝ առևտուր, դիվանագիտություն, զինամթերքի և ոսկերչական արհեստը, ինչպես նաև՝ հայ-ուկրաինական թատերական և գրական կապերը: 

Իրինա Գայուկի հանրագիտարանն արդեն թարգմանվել է անգերեն և ռուսերեն, իսկ բնօրինակն ուկրաիներն է: Հավաքված տեղեկությունն աննախադեպ է: Իրինա Գայուկը նշել է, որ հայկական մշակույթը, որը ծնվել է Հայաստանի սահմաններից դուրս, քիչ է ուսումնասիրված և մեծ հետաքրքրություն է ներկայացնում հայագետների համար: Հեղինակը գտնում է, որ հայերը մեծ դեր են խաղացել Ուկրաինայի մշակույթի զարգացման մեջ: Այս մասին տեղեկացնում է ուկրաինական Analitika.at.ua կայքը: