Թուրք խորհրդականը պահանջել է Սամաթիայում հայ կանանց վրա հարձակումները հետաքննող հանձնախումբ ստեղծել
Հայկական աշխարհ
Թուրքական ընդդիմադիր կուսակցություն Ժողովրդահանրապետական կուսակցության անդամ Լեվենթ Գոքը կոչ է արել խորհրդարանի մարդու իրավունքների հանձնախմբին` պահանջելով ստեղծել աշխատանքային խումբ Ստամբուլի Սամաթիա շրջանում հայ կանանց վրա հարձակումները հետաքննելու համար: Այս մասին հաղորդում է թուրքական T24 գործակալությունը:
«Հինգ հայ կանանցից երկուսը սպանվել էին, իսկ երեքը վիրավորվել էին հարձակումների ժամանակ, որը վտանգի է ենթարկում երկու ազգությունների խաղաղ գոյակցությունը»,- դիմումի մեջ նշել Լեվանթ Գոքը և ավելացրել, որ, հնարավոր է, այդ հարձակումները կրոնական կամ ազգային հիմքի վրա կատարված լինեն:
Նշենք նաև, որ նույն կուսակցությունը հետաքրքիր բողոքի ակցիա էր կազմակերպել Սամաթիայի հայկական սուրբ Գևորգ եկեղցու մոտ: Նրանք, ի նշան հայ կանանց վրա հարձակումների, միասին պար էին բռնել եկեղեցու դիմաց: Ցուցարարները պահանջում էին վերջ տալ կանանց նկատմամբ բռնություններին:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
