Արա Աբրահամյանի կազմակերպությունը յուրացրել է ՀՀ քաղաքացու մասնավոր սեփականությունը. REGNUM

ИА REGNUM գործակալությունն այսօր ստացել է ՀՀ քաղաքացի Լյուբով Փիլոյանի դիմում-բողոքը՝ ուղղված հայկական ծագումով ռուս օլիգարխ Արա Աբրահմյանի դեմ, որի «ՍՈԳԼԱՍԻԵ-ԱՐՄԵՆԻԱ» կազմակերպությունն անօրեն կերպով յուրացրել է կնոջը պատկանող մասնավոր սեփականությունը:

Մասնավորապես՝ նամակի մեջ խոսք կա Արա Աբրահամյանին պատկանող կազմակերպության կողմից Երևանի քաղաքապետարանի օգնությամբ Երևանի կենտրոնում գտնվող մասնավոր սեփականության յուրացման մասին:

«2005 թվականին դատարանի որոշմամբ Արամի 38 հասցեում գտնվող հայրական տան իմ մասնաբաժնի փոխարեն ինձ պետք է տրամադրվեր նույն հասցեում գտնվող 332.6 քառ. մետր հողամաս, որը ինձ էր տրամադրվելու որպես փոխհատուցում հյուսիսային պողոտայում գտնվող և «ՍՈԳԼԱՍԻԵ-ԱՐՄԵՆԻԱ» կազմակերպության կողմից յուրացված իմ մասնավոր սեփականության: Սակայն մինչև այսօր չեմ կարողացել սեփականաշնորհել այդ հողային տարածքը, քանի որ Երևանի քաղաքապետարանը փորձում է հօգուտ կազմակերպության չեզոքացել դատարանի որոշումը:

2008 թվականին Ձեր կազմակերպությունը առք ու վաճառի ուղիղ պայմանագիր է ստորագրել Երևանի քաղաքապետարանի հետ, որը հիմնական խոչընդոտն է ՀՀ վճռաբեկ դատարանի որոշման: Արդյունքում ստացվում է, որ «ՍՈԳԼԱՍԻԵ-ԱՐՄԵՆԻԱ» կազմակերպությունն իրեն է յուրացրել ինձ որպես փոխհատուցում հասնող հողային տարածքը: Իմ դեպքը փայլուն օրինակ է, թե ինչպես են խոշոր մասնավոր կազմակերպությունները սեփականաշնորհում առանձին քաղաքացիների մասնավոր սեփականությունը»,-նշված է նամակի մեջ: