Ավստրալիայի Հայ Դատի հանձնախումբը նախաձեռնել է Սումգայիթի ջարդերի իրազեկման արշավ
Հայկական աշխարհ
Ավստրալիայի Հայ Դատի հանձնախումբը նախաձեռնել է Սումգայիթում հայկական ջարդերի 25-րդ տարելիցին նվիրված ավստրալացի օրենսդիրների իրազեկման արշավ:
Կազմակերպված հակահայկական բռնությունները, որոնց նպատակն էր հայերի սպանությունն ու բռնագաղթը, սկսվեցին 1988-ի փետրվարի 27-ի երեկոյան Սումգայիթում:
Այս բռնությունները Լեռնային Ղարաբաղի խաղաղ բնակչության ինքնորոշման և Ադրբեջանից անկախանալու ցանկության հետևանք էր:
Ավստրալիայի Հայ Դատի հանձնախմբի գործադիր տնօրեն Վաչե Ղահրամյանը նշել է. «Սումգայիթյան ջարդերի 25-րդ տարելիցը ևս մեկ անգամ մեզ պարտավորեցնում է սատար կանգնել Լեռնային Ղարաբաղի ժողովրդին, միասին շարունակել պայքարը հանուն անկախության: Շատ կարևոր է լայն հանրությանը ներկայացնել ԼՂ հայերի վերապրած սարսափները»:
Նա նաև ավելացրել է, որ ադրբեջանական իշխանությունները շարունակում են խեղաթյուրել իրական պատմությունը` խուսափելու 2 տասնամյակ առաջ իրենց կատարած հանցագործության պատասխանատվությունը: Միջազգային հանրությունը, այդ թվում՝ նաև ավստրալական օրենսդիրները, պետք է դատապարտեն Ադրբեջանի գործողությունները: Այս մասին նշված է Ավստրալիայի Հայ Դատի հանձնախմբի պաշտոնական կայք-էջում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
