Շվեդիայում Թուրքիայի նախագահին դիմավորել են Ցեղասպանությունը ճանաչելու կոչերով (տեսանյութ)

Մարտի 11-ին պաշտոնական այցով Շվեդիա ժամանած Թուրքիայի նախագահ Աբդուլլահ Գյուլին դիմավորել են «Թուրքիա, ճանաչի՛ր 1915-ի Ցեղասպանությունը» և այլ նմանատիպ պաստառներով:

Ինչպես գրում է ԱՄՆ-ում լույս տեսնող Asbarez պարբերականը, բողոքի այս յուրօրինակ ցույցը կազմակերպել է Շվեդիայի հայերի միությունը: Երբ Շվեդիայի թագավորական պալատում սկսվել է Գյուլի ընդունելության արարողությունը, մայրաքաղաք Ստոկհոլմի երկնքում հայտնվել են 1915-ի Հայոց ցեղասպանությունն ընդունելու կոչեր անող պաստառներ: