Մոսկվայում կանխվել է քրեական աշխարհի հայ ներկայացուցիչ Սուսերի նկատմամբ մահափորձը
Ռուսաստան
Մոսկվայում ոստիկանները ձերբակալել են կասկածյալ մարդասպանին, ով հարձակում էր նախապատրաստում Հայաստանի քրեա-հանցագործ միջավայրի ներկայացուցիչ Սուսեր Մադաթյանի նկատմամբ. երկուշաբթի օրը գրում է РИА Новости-ն՝ հղում կատարելով ՌԳ ՆԳՆ-ին:
Գերատեսչության տեղեկությունների համաձայն՝ դաղստանցի քիլլերը պլանավորում էր որպես կրակակետ օգտագործել պատվիրատուի կողմից իրեն տրամադրված մեքենան: Նա պլանավորում էր մեքենան կայանել Սուսեր Մադաթյանի Porsche Cayenne ավտոմեքենայի հարևանությամբ և կրակել հենց մեքենայի միջից: Տղամարդուն ձերբակալել են մարտի 13-ին՝ մեքենան նստելու պահին, սակայն մամուլում այդ լուրերը հայտնվել են միայն այսօր:
«Ոստիկանությունը ձերբակալել է այն անձին, ում նկատմամբ, օպերատիվ հետախուզության տվյալներով, հարձակում էր նախապատրաստվում: Նա ՀՀ քաղաքացի 42-ամյա հանցագործ-քրեական խմբավորման առաջնորդ է՝ հայտնի Սուսեր անունով: Ձերբակալման պահին նրա մոտ հայտնաբերվել է ՌԴ քաղաքացու կեղծ անձնագիր ոմն Ռոբերտ Յուրևիչ Օգանեզովի անունով»,-ասված է ՆԳՆ-ի տարածած հայտարարության մեջ:
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
