Ազգային տուրքի ու նվիրումի 20 տարի

«Հայաստան» համահայկական հիմնադրամն այս տարի տոնում է իր հիմնադրման 20-ամյա հոբելյանը: Հիմնադրամի պաշտոնական կայքում տեղակայված հաղորդագրության մեջ ասված է հետևյալը. «Այս տարիներին է, որ, միմյանց հաջորդելով, կյանք են առել ճանապարհներ, դպրոց ու հիվանդանոց, ջրագիծ ու գազատար, որոնց շնորհիվ նոր շունչ են ստացել Հայաստանի եւ Արցախի տասնյակ գյուղեր ու քաղաքներ, ուր բացվում են նոր ու լուսավոր ապագայի հեռանկարներ:

Ի սկզբանե նեցուկ լինելով հայոց պետականությանը՝ հիմնադրամը հավատարիմ է իր առաքելությանը եւ շարունակում է իր երթը զարգացում ապրող երկրի հետ միասին:

Այս տարիներին հիմնադրամն իրագործել է ավելի քան 235 միլիոն դոլար արժողությամբ կենսական կարեւորության տարաբնույթ ծրագրեր:

476 կմ ճանապարհ
281 կմ ջրագիծ ու ջրատար
144 կմ գազատար
230 դպրոց ու մանկապարտեզ
424 տուն ու բնակարան
40 հիվանդանոց ու բուժկետ
24 սպորտային ու մշակութային կենտրոն
85 կրթական, մշակութային ու գիտական ծրագիր»։