Մայդանը կրկին հավաքվել է. պահանջներ՝ նորընտիր նախագահ Պյոտր Պորոշենկոյին
Աշխարհ
Այսօր Կիևում՝ Մայդանում, տեղի է ունեցել ժողովրդական վեչե, ինչի ավարտին ընունվել է որոշում, որում ակտիվիստները, մասնավորապես, պահանջել են նորընտիր նախագահ Պյոտր Պորոշոնկոյից մշակել ու ներկայացնել երկրի փրկության ծրագիր և դա քննարկել ժողովրդի հետ: Այս մասին հայտնում է ՌԻԱ Նովոստին՝ հղում անելով Ունիան գործակալությանը:
Ժողովրդական վեչեին մասնակցել է շուրջ 1000 մարդ: Ակտիվիստներն ավելի վաղ հայտնել են, որ հույս ունեն՝ դրան կմասնակցի նախագահ Պյոտր Պորոշենկոն, սակայն Ուկրաինայի նորընտիր նախագահն այդպես էլ չի հայտնվել Մայդանում:
Մայդանի բեմից հնչեցված հայտարարությունում նշված է, որ վեչեի մասնակիցները պնդում են իշխանությունների և հասարակության համատեղ ջանքերով երկրի հետագա զարգացումը: Նրանք պահանջում են երկրում իրավիճակի կայունացում և Ուկրաինայի ողջ տարածքում խաղաղության հաստատում:
Այս ամենից զատ, Մայդանը պնդել է, որ երկրում տիրող ծանր իրավիճակի պատճառով Գերագույն ռադան չգնա ամառային հանգստի, քանի դեռ ընտրությունների վերաբերյալ նոր օրենք չի ընդունվել և խորհրդարանական ընտրություններ չեն նշանակվել:
ՈՒՂԻՂ ԵԹԵՐ
Ամենադիտված 
«Գազպրոմ Արմենիա»-ն հայտարարություն է տարածել
