Ինձ համար անընդունելի է ամեն օրը, երբ մարդիկ են մահանում. Պորոշենկոն անհրաժեշտ է համարում 7 օրում դադարեցնել կրակը
Աշխարհ
Ուկրաինայի նբախագահ Պյոտր Պորոշենկոն կարծում է, որ մեկ շաբաթվա ընթացքում երկրի հարավ-արևելքում պետք է դադարեցնել կրակը: Նման հայտարարությամբ Պորոշենկոն հանդես է եկել այսօր՝ Ուկրաինայի հարավում խաղաղության ծրագրի իրականացմանն ուղղված խմբի անդամների հետ քննարկման ժամանակ:
«Մենք պետք է այս շաբաթվա ընթացքում դադարեցնենք կրակը: Ինձ համար ամեն օրը, երբ մարդիկ են մահանում, ամեն օրը, երբ Ուկրաինան այդպիսի բարձր գին է վճարում, անընդունելի է: Դրա համար ամենից առաջ անհրաժեշտ է, որ մենք վերսկսենք պետական սահմանների աշխատանքը, որպեսզի ապահովենք Ուկրաինայի յուրաքանչյուր քաղաքացու անվտանգությունը, ով ապրում է Դոնբասում՝ անկախ այն բանից, թե ինչպիսի քաղաքական հայացքների տեր է»,- ասել է Պորոշենկոն:
Նա նաև նշել է, որ կողմերը պետք է աշխատեն իրականացնեն Նորմանդիայում Գերմանիայի կանցլեր Անգելա Մերկելի, Ֆրանսիայի նախագահ Ֆրանսուա Օլանդի և Ռուսաստանի նախագահ Վլադիմիր Պուտինի հանդիիպման ընթացքում ձեռք բերված պայմանավորվածությունները:
Խմբի հանդիպմանը ներկա են եղել նաև Բեռլինում Ուկրաինայի դեսպան Պավել Կլիմկինը, ԵԱՀԿ գլխավոր քարտուղարի հատուկ ներկայացուցիչ Հայդի Տալյավինին և Կիևում ՌԴ դեսպան Միխայիլ Զուրաբովը:
ՈՒՂԻՂ ԵԹԵՐ
Ամենադիտված 
Գևորգը 3 երեխա ուներ, մի շաբաթ առաջ աղջկա հարսանիքն էր. Երևանում աներորդին մեքենան քշել է փեսայի վրա (տեսանյութ)
